درزی بھائی!۔
یہ لوکپڑا۔۔۔۔۔کالاکپڑا
روشن دن کے عین مخالف
اندھیرے سا کالا
اور اس کپڑے سے اک سی دو
برقعہ
ماں کہتی تھی
دہی کی عزت ہی عزت ہے
اپنے آپ کوآپ سنبھالو
وقت ہی کچھ ایسا ہے بھائی!
اور بچے گا جتنا کپڑا
اس سے سی دو
اور اک برقعہ۔۔۔
برقعہ میری زینب کا
نہیں جی کپڑا کم نہ ہوگا
میری زینب۔۔۔چار برس کی ننھی گڑیا
میں بھی ماں ہوں
خبریں سنتے ہوگے تم بھی
چاربرس کی بچی کا بھی برقعہ سی دو
دہی کی عزت ہی عزت ہے
اپنے آپ کو آپ سنبھالو
وقت ہی کچھ ایسا ہے بھائی