تئی مہراابید منا دگہ درکار ہچ نئیں
منی اے زندگی بے تو منی سرکار ہچ نئیں
جتائی ئے زہیراں تئی منا چو جنترا درشتگ
تو دیما نشتگ ئے انگت دلا اوپار ہچ نئیں
منارا ذات و زْریاتےِ شناسا جست کنت دنیا
گشاں من مھبتا چہ دیم منی پجار ہچ نئیں
سہیل ئے ٹمبگ ئے درپش انت کہ سُہبءِ داتگے مستاگ
بلے تئی دیم ئے براہا بید اے استار ہچ نئیں
حیالءِ ابرمیں کْلءِ دریگءَ پچ کناں چاراں
زِرے رْژنائیءِ بال انت نْو اوندھار ہچ نئیں
ما زندءِ بے سریں دشتا وتی شوہازگا رفتاں
ٹٹولی کْرت گو دْرستاں اے اث قب سار ہچ نئیں