غزل ۔۔۔  یونس نصیر

مکتبا  عشق ئے نگاہ ئے شرکنی پلگار اتیں

جور ئے تہلی سگّتیں چو اْشترا دور چار اتیں

ھاجتاں پہ شگر ئے جاہا  ھچ بشارتے نہ دات

ما پما یکیں انارا  سد نپر بیمار اتیں

مئے ھمے کسّہ گوں عشقا بستگیں رَد گوشتگ اش

نشتگیں تئی راھسرا او ما وتی راھچار اتیں

ماوتی تْنّ ئے تبکاں سر کپگ پتو نزانت

ما تئی چمانی کَلّا پہ ترا ھینّار اتیں

من، منی واھگ، پدا تو او تئی تہروز اتاں

گندگا ما دو اتیں پہ اشکنگ ما چار اتیں