تو اگاں کائے دوست مئے وش اتکہ
کلیگا آپ مان کھیری آ دراتکہ
من گڈا تئیگاں کیامتا دانکہ
بیا بکن امباز تو دل وسِتکا
تو منی دابانی گلیں لال ئے
روچ مرادانی پمناں اتکہ
تو برئے کؤراجور بچارین ئے
تو مبوج مستیں لیڑوہ ئے جْتکہ
مْرتاں بے شیری آ شنک ہُرتیں
ائے بْزاواڑ ئے وت وتا مِتکہ
انگتہ مہرانی بہار گاریں
دل گشے آسوانگراں پتکہ
واب وبست کْرتگ جنگل ئے درچکاں
بے حساب ہورانی رگام رِتکہ
من شکر ورنائی وتئی روچاں
آسک من گپتہ ہر گورا تتکہ
رَستگے نوکاپ ئے گیابانا
زی حنیف حسرت پمناں نہ یتکہ