زندئے پیژگاہا واہگ و ارمان روک بنت
موتک کاریت شپ رپتگین ترانگ نوک بنت
بے وسی جیڑیت دل زھیرانی پلوا
ترونگیں ارسان پہک کنت
ارس و پرسیگ کا ملیں زندئے ہر متاہ
سکیاں زندئے زیراں امبازاں
وشیاں تیلانک دیاں
روچ کندیلے
کہ مریت سہب ئے دروشما
کندگو بچکند موتکو زاری ہچ نہ بیت
گوں دلا جیڑاں
چوں بہ رکیناں من وتا
زندگی ئے نپ چہرئے بہتام انت ہم سرا
ستر ملا متاں گوں وتی کردارں بلئے
ہچ نہ بیت دستا
زندئے پیژ گاہ و ارمان روک بنت
موتک کاریت شپ رپتگیں ترانگ نوک بنت